އުނގޫފާރު މުއައްސަސާ ތަކުގެ މެދުގައި ކުރިއަށްދާ “ޔޫއާރުއެޗް ބަދަހި ވާދަ 2024” ފުޓްސަލް މުބާރާތުގެ ސެމީގެ ޖާގަ ތައް ޔޫއާރުއެޗްގެ ހޭހަން ރެކްރިއޭޝަން ކްލަބާއި މީރަން އަދި ކައުންސިލް އެންޑް ފެނަކަ އާއި ޔުނައިޓެޑް ބީއެމްއެލް ހޯދައިފިއެވެ.
ގްރޫޕް އޭ އިން އެއްވަނަ ޓީމުގެ ގޮތުގައި ކައުންސިލް އެންޑް ފެނަކަ ޖާގަ ހޯދީ ކުޅުނު 3 މެޗްވެސް ކާމިޔާބު ކޮށްގެންނެވެ. އެއީ ފުރަތަމަ މެޗް ޕޮލިސް ޓީބީ އާއި ވާދަކޮށް 4-0 ، ދެވަނަ މެޗް ޔޫއާރުއެޗް ސިއްދަ އާއި ވާދަކޮށް 8-0 އަދި ތިންވަނަ މެޗް ޔުނައިޓެޑް ބީއެމްއެލް އާއި ވާދަ ކޮށް 2-1 ން ކާމިޔާބު ކޮށް 9 ޕޮއިންޓް ހޯދައިގެންނެވެ. 3 މެޗުން 14 ގޯލް ކާމިޔާބު ކުރިއިއު ބައިކޮޅަށް ވަދެފައިވަނީ އެންމެ ގޯލެކެވެ.
ގްރޫޕް އޭ އިން ދެވަނަ ޓީމުގެ ގޮތުގައި ޔުނައިޓެޑް ބީއެމްއެލް ޖާގަ ހޯދީ ކުޅުނު 3 މެޗްގެ ތެރެއިން ދެމެޗް ކާމިޔާބު ކޮށްގެންނެވެ. އެއީ ފުރަތަމަ މެޗް ޔޫއާރުއެޗް ސިއްދަ އާއި ވާދަކޮށް 7-0 ، ދެވަނަ ޕޮލިސް ޓީބީ އާއި ވާދަކޮށް 6-2 ކާމިޔާބު ކޮށް 6 ޕޮއިންޓް ހޯދައިގެންނެވެ. 3 މެޗުން 14 ގޯލް ކާމިޔާބު ކުރިއިއު ބައިކޮޅަށް ވަދެފައިވަނީ 4 ގޯލެވެ. މިޓީމު ބަލި ވެފައިވަނީ ކައުންސިލް އެންޑް ފެނަކަ އަތުން 2-1 ނެވެ.
ގްރޫޕް ބީ އިން އެއްވަނަ ޓީމުގެ ގޮތުގައި ޔޫއާރުއެޗް ހޭހަން ޖާގަ ހޯދީ ކުޅުނު 3 މެޗްވެސް ކާމިޔާބު ކޮށްގެންނެވެ. އެއީ ފުރަތަމަ މެޗް ޔޫއާރުއެޗް މީރަން އާއި ވާދަކޮށް 3-0 ، ދެވަނަ މެޗް އަރުތަ އާރުސީ އާއި ވާދަކޮށް 5-2 އަދި ތިންވަނަ މެޗް ޕޮލިސް ޓީއޭ އާއި ވާދަ ކޮށް 2-0 ން ކާމިޔާބު ކޮށް 9 ޕޮއިންޓް ހޯދައިގެންނެވެ. 3 މެޗުން 10 ގޯލް ކާމިޔާބު ކުރިއިއު ބައިކޮޅަށް 2 ގޯލު ވަދެފައި ވެއެވެ.
ގްރޫޕް ބީ އިން ދެވަނަ ޓީމުގެ ގޮތުގައި ޔޫއާރުއެޗް މީރަން ޖާގަ ހޯދީ ކުޅުނު 3 މެޗްގެ ތެރެއިން އެއްމެޗުން މޮޅުވެ އެއްމެޗުން ބަލިވެ އެއްމެޗު އެއްވަރުކޮށް 4 ޕޮއިންޓް ހޯދައިގެންނެވެ. އެއީ ފުރަތަމަ މެޗް ޔޫއާރުއެޗް ހޭހަން އާއި ވާދަކޮށް 0-3 އަކުން ބަލިވެ، ދެވަނަ މެޗް ޕޮލިސް ޓީއޭ އާއި ވާދަކޮށް 2-2 އެއްވަރުކޮށް ތިންވަނަ މެޗް އަރުތަ އާރުސީ ވާދަ ކޮށް 2-1 ން ކާމިޔާބު ކޮށް 4 ޕޮއިންޓް ހޯދައިގެންނެވެ. 3 މެޗުން 4 ގޯލް ކާމިޔާބު ކުރިއިއު ބައިކޮޅަށް 6 ގޯލު ވަދެފައި ވެއެވެ.
މުބާރާތުގެ ސެމީގެ މެޗްތައް މިއަދު ހަވީރު ކުޅެވޭނެއެވެ. ސެމީގެ ފުރަތަމަ މެޗްގައި ބައްދަލުކުރާނީ ކައުންސިލް އެންޑް ފެނަކަ އާއި ޔޫއާރުއެޗް މީރަންއެވެ. ދެވަނަ މެޗްގައި ބައްދަލުކުރާނީ ޔޫއާރުއެޗް ހޭހަން އާއި ޔުނައިޓެޑް ބީއެމްއެލްއެވެ.